Владыко Вседержителю,Господи многомилостивый ,приими коленопреклоненыя молитвы и смиренныя слезы наша ,приносимыя пред Святым Алтарем Твоим в сие время беды и скорби народа Твоего , приими предстательство всех святых сродников наших ,коих призываем ныне на помощь и заступление , дабы свет любве Твоея ,явленныя на Кресте Твое ,просветил всякого человека ,страждующего в мире сем ,во тьме вражды и беззаконий сущещем.

Приими ходотайство святого и благоверного князя Владимира,крестителя и просветителяземли нашея;приими молитву страстотерпцев святых Бориса и Глеба,научающих не поднимать руки своея на брата своего;приими заступничество угодников Твоих Антония и Феодосия и с ними всех преподобных мужей и жен,слезами покаяния души саои паче снега убеливших;приими подвиги новомученников и исповедников,страданиями своимиспасительную веру в Тя нам сохранивших;приими прошения всех святых Церкве Твоея, трудами своими землю нашу освятивших.Наипаче приими молитвенный Покров Пресвятыя Матере Твоея, Владычицы нашея Богородицы и Приснодевы Марии, Ея же непостыдным предстательством люди Твоя многажды избавлени быша от всякия вражды и междоусобныя брани.

Услыши нас ,Боже,Спасителю наш, и милостив,милостив буди,Владыко,ко всем страждующим и обремененным, и остави нам долги наша,научая и нас оставляти обиды должником нашим,и приклони гнев Твой на милость Твою,усмиряя всякия крамолы и нестроения в державе нашея, яко Ты еси Един Благий и Человеколюбивый Бог наш и, Тебе славу воссылаем, Отцу и Сыну и Святому Духу, ныне и присно, и во веки веков.

Аминь.